"Ayaks"ning argentinalik himoyachisi Nikolas Talyafiko "Lion"ga o‘tishga yaqin turibdi, deb xabar beradi L'Equipe.
Manbaga ko‘ra, fransuz klubi futbolchi uchun to‘rt million yevro to‘laydi. Argentinalik futbolchi “Lion” bilan 2025 yilning yoziga qadar shartnoma imzolaydi.
29 yoshli Talyafiko o‘tgan mavsumda "Ayaks" safida barcha turnirlar doirasida 29 o‘yinda maydonga tushib, 3 ta gol urdi va 3 ta golli uzatmani amalga oshirdi. Uning klub bilan shartnomasi 2023 yilning yoziga qadar mo‘ljallangan.