"Everton" "Chelsi" yarim himoyachisi Billi Gilmurga qiziqish bildirmoqda, deb xabar beradi The Telegraph.
Mersisayd klubi londonliklar bosh murabbiyi Tomas Tuxelning rejalariga kiritilmagan 21 yoshli shotlandiyalikni ijaraga olmoqchi.
Gilmur asosiy jamoa bilan Sharlotta va Orlando (AQSH) shaharlariga borish o‘rniga yoshlar jamoasi bilan yig‘inga jo‘natilgan edi.
Gilmur o‘tgan mavsumda "Norvich"da ijara asosida o‘ynadi. Jamoa tarkibida futbolchi 28 uchrashuvda 2 ta golli uzatmani amalga oshirdi.
Iyun oyi boshida "Chelsi" Gilmur bilan shartnomani 2024 yilning iyuni oxirigacha uzaytirdi.