"Эвертон" "Челси" ярим ҳимоячиси Билли Гилмурга қизиқиш билдирмоқда, деб хабар беради The Telegraph.
Мерсисайд клуби лондонликлар бош мураббийи Томас Тухелнинг режаларига киритилмаган 21 ёшли шотландияликни ижарага олмоқчи.
Гилмур асосий жамоа билан Шарлотта ва Орландо (АҚШ) шаҳарларига бориш ўрнига ёшлар жамоаси билан йиғинга жўнатилган эди.
Гилмур ўтган мавсумда "Норвич"да ижара асосида ўйнади. Жамоа таркибида футболчи 28 учрашувда 2 та голли узатмани амалга оширди.
Июнь ойи бошида "Челси" Гилмур билан шартномани 2024 йилнинг июни охиригача узайтирди.
