Madridning “Real” klubi hujumchi Karim Benzemaga klub bilan shartnomasini uzaytirishni taklif qildi.
34 yoshli hujumchining "Real" bilan amaldagi shartnomasi kelasi yozgacha amal qiladi. Madridliklar kelishuvni 2024 yilgacha uzaytirishni taklif qilishdi.
O‘tgan mavsumda futbolchi La Ligada 32 ta o‘yinda maydonga tushib, 27 ta gol urdi va 12 ta golli uzatmani amalga oshirdi. Klub bilan birgalikda Benzema Ispaniya chempionligini qo‘lga kiritdi va Chempionlar ligasida g‘olib chiqdi.
O‘tgan mavsum yakunida Benzema La Liga va Chempionlar Ligasining eng yaxshi to‘purari bo‘ldi.