Мадриднинг “Реал” клуби ҳужумчи Карим Бенземага клуб билан шартномасини узайтиришни таклиф қилди.
34 ёшли ҳужумчининг "Реал" билан амалдаги шартномаси келаси ёзгача амал қилади. Мадридликлар келишувни 2024 йилгача узайтиришни таклиф қилишди.
Ўтган мавсумда футболчи Ла Лигада 32 та ўйинда майдонга тушиб, 27 та гол урди ва 12 та голли узатмани амалга оширди. Клуб билан биргаликда Бензема Испания чемпионлигини қўлга киритди ва Чемпионлар лигасида ғолиб чиқди.
Ўтган мавсум якунида Бензема Ла Лига ва Чемпионлар Лигасининг энг яхши тўпурари бўлди.
