"Manchester Yunayted" bu yozda hujumchi Antoni Marsyalni sotmaslikka qaror qildi.
Manchester Evening News xabariga ko‘ra, jamoaning yangi bosh murabbiyi Erik Ten Xag jamoa Bangkokdagi yig‘inga uchib ketishidan oldin shunday qarorga kelgan.
26 yoshli fransiyalik futbolchining amaldagi shartnomasi 2025 yilgacha mo‘ljallangan. Transfermarkt portali futbolchining narxini 16 million yevroga baholamoqda.
Marsyal o‘tgan mavsum yanvar oyidan boshlab "Sevilya"da ijara asosida o‘ynagandi. U ispan jamoasi safida 12 ta o‘yinda maydonga tushib, 1 ta gol urdi va 1 ta golli uzatmani amalga oshirdi.
