“Betis” yarim himoyachisi Nabil Fekir Yevropaning ikki top-klubi uchun transfer maqsadi bo‘lib turibdi.

Insayder Ekrem Konurning ijtimoiy tarmoqlar orqali xabar berishicha, 29 yoshli yarim himoyachi uchun kurashda Kataloniyaning “Barselona”si va “Milan” klublari raqobat qiladi.

"Betis" o‘z navbatida Nabilni sotishdan 45 million yevro ishlab olishni rejalashtirmoqda. Fekirning Sevilya jamoasi bilan shartnomasi 2026 yilning o‘rtalariga qadar tuzilgan.

Fransiyalik yarim himoyachi o‘tgan mavsumda barcha turnirlarda 47 ta o‘yinda maydonga tushib, 10 ta gol va 10 ta golli uzatmaga mualliflik qilgan.