"Real Madrid" vakillari "Real Sosyedad" rahbariyatidan hujumchi Aleksandr Isak bilan bog‘liq vaziyatdan xabardor bo‘lib turishlarini so‘rashdi.
Oldinroq madridliklar Isak bo‘yicha taklif bilan chiqmoqchi ekani haqida ma’lumotlar paydo bo‘lgandi, keyin esa poytaxt klubi bu masalani bir qancha muddatga to‘xtatib turishga qaror qilgandi.
Biroq, "Real Madrid" shvesiyalik hujumchining harakatlarini kuzatishda davom etmoqda, deb xabar beradi Mundo Deportivo. Agar boshqa klublar tomonidan qiziqish bo‘lsa, "Real Madrid" futbolchi uchun kurashga aralashishga tayyor. Isakning narxi 90 million yevroga baholanmoqda.
