"Volfsburg" himoyachisi Kevin Mbabu "Fulxem" bilan shartnoma imzolashga yaqin turibdi.

Shveysariya terma jamoasi futbolchisi yaqin orada tibbiy ko‘rikdan o‘tishi kerak, shundan so‘ng rasmiy transfer amalga oshiriladi, deb xabar beradi 90min.

Ushbu yozda "Fulxem" yangi o‘ng qanot himoyachisi qidirayotgan edi va "Liverpul"dan Neko Uilyamsni sotib olmoqchi edi, ammo futbolchi "Nottingem Forest" taklifini afzal ko‘rdi.

"Volfsburg" bilan muzokaralar anchadan beri davom etmoqda. Bir paytlar “Fulxem” Mbabuni mavsumiga 3 million yevro maosh bilan ta’minlashni istamasligi haqida aytgan edi. Transfer summasi taxminan 7 million yevroni tashkil qiladi.