Amsterdamning “Ayaks” va “RB Leypsig” klublari hujumchi Brayan Brobbi transferi borasida kelishuvga erishdi, deb xabar bermoqda klub matbuot xizmati.

20 yoshli futbolchining transferi uchun amsterdamliklar 16,3 million yevro to‘laydi. Yana uch millioni hujumchining shaxsiy yutuqlari uchun bonus to‘lovlari sifatida taqdim etiladi.

Brobbining "Ayaks" bilan shartnomasi 2027 yilning o‘rtalariga qadar amal qiladi.

Eslatib o‘tamiz, Brayan o‘tgan yozda "RB Leypsig"ga o‘tgan, biroq olti oy o‘tib "Ayaks"ga ijara asosida qaytgandi. U amsterdamliklar safida 32 ta jang o‘tkazib, 13 ta gol urgan.