Амстердамнинг “Аякс” ва “РБ Лейпциг” клублари ҳужумчи Браян Бробби трансфери борасида келишувга эришди, деб хабар бермоқда клуб матбуот хизмати.
20 ёшли футболчининг трансфери учун амстердамликлар 16,3 миллион евро тўлайди. Яна уч миллиони ҳужумчининг шахсий ютуқлари учун бонус тўловлари сифатида тақдим этилади.
Броббининг "Аякс" билан шартномаси 2027 йилнинг ўрталарига қадар амал қилади.
Эслатиб ўтамиз, Браян ўтган ёзда "РБ Лейпциг"га ўтган, бироқ олти ой ўтиб "Аякс"га ижара асосида қайтганди. У амстердамликлар сафида 32 та жанг ўтказиб, 13 та гол урган.
