"Manchester Yunayted" hujumchisi Krishtianu Ronalduning "Chelsi"ga o‘tishi haqida xabarlar tarqalmoqda.
Britaniya matbuoti xabariga ko‘ra, "ko‘klar" xo‘jayini futbolchining agenti Xorxe Mendesh bilan muzokaralar olib borgan va bu muzokaralar davomida Ronalduning Londonga o‘tishi mumkinligi tilga olingan edi.
Tijoriy foyda nuqtayi nazaridan, Ronalduning transferi juda samarali bo‘lishi mumkin. Biroq, Tomas Tuxel portugaliyalikning sport tamoyillari bo‘yicha jamoaga to‘g‘ri kela olishiga to‘liq ishonchi komil emas.
Shunga qaramasdan, klub Romelu Lukaku jamoani tark etganidan so‘ng hujumchi izlashda davom etmoqda.
