"Roma"ning yangi yarim himoyachisi Nemanya Matichning aytishicha, Rim bosh murabbiyi Joze Mourinyo uni jamoaga o‘tishga ko‘ndirish uchun besh daqiqadan kamroq vaqt kerak bo‘lgan.
“Yarim himoyachilardan faqat Frenk Lempard Mourinyo qo‘l ostida mendan ko‘ra ko‘proq o‘ynagan.
Joze meni besh daqiqadan kamroq vaqt ichida “Roma”ga o‘tishimga ishontirdi: “Manchester Yunayted”dan ketganimdan so‘ng u menga qo‘ng‘iroq qildi va men darhol rozi bo‘ldim.
Mourinyoda sizni motivasiya qiladigan va oldinga intilishga undaydigan o‘ziga xos narsa bor. Men uni hech qachon xursand bo‘lganini ko‘rmaganman, u g‘alaba qozonganida, u ertangi kuni haqida o‘ylaydi", - deya Matichning so‘zlarini keltiradi Il Messagero.
33 yoshli serbiyalik yarim himoyachining Rim klubi bilan shartnomasi 2023 yilning yoziga qadar mo‘ljallangan. Nemanya Matich poytaxt klubida 21-raqam ostida to‘p suradi.
