Frankfurtning “Ayntraxt” klubi chap qanot himoyachisi Filip Kostich “Vest Xem”ga o‘tishga yaqin turibdi. Klublar o‘rtasidagi muzokaralar yakuniy bosqichda. Taniqli insayder Nikolo Skiraning so‘zlariga ko‘ra, "bolg‘achilar" futbolchi bilan to‘rt yillik - 2026 yilning yoziga qadar shaxsiy shartnoma shartlari bo‘yicha kelishuvga erishgan.
Jurnalistning fikricha, “Vest Xem” serbiyalik futbolchining transferi uchun bor-yo‘g‘i 15 million yevro to‘laydi. Ochig‘i, bu Kostichning nemis klubi bilan bir yillik shartnomasi qolgani bilan bog‘liq – amaldagi kelishuv 2023 yilning 30 iyun kuni yakuniga yetadi.
Serb Filip Kostich 2018 yilning avgustida “Ayntraxt”ga kelib qo‘shilgan, bir yil o‘ynagan, so‘ng “Gamburg”ga bir mavsumga ijaraga berilgan, shundan so‘ng Frankfurtga qaytib, jamoaning asosiy o‘yinchisiga aylangandi. U "Ayntraxt" safida jami 169 o‘yin, 33 gol va 63 golga assistentlik qilgan.
