"Manchester Siti"ning yangi futbolchisi Erling Xoland debyut o‘yinini o‘tkazishga tayyor. Bosh murabbiy Xosep Gvardiola norvegiyalik futbolchini o‘rtoqlik o‘yinida "Bavariya"ga qarshi o‘ynashini kutmoqda: "Agar u yotoqdan yiqilmasa va to‘pig‘ini sindirmasa, maydonga tushadi", - dedi Gvardiola.
"Bavariya" va "Manchester Siti" o‘rtasidagi o‘rtoqlik uchrashuvi 24 iyul, yakshanba kuni Green Baydagi "Lambo Fiyeld" stadionida bo‘lib o‘tadi. Uchrashuv Toshkent vaqti bilan 04:00 da boshlanadi.
1 iyul kuni 21 yoshli Xoland "Borussiya Dortmund"dan 60 million yevro evaziga "Manchester Siti"ga o‘tgan edi. O‘tgan mavsumda norvegiyalik futbolchi nemis klubi safida 30ta o‘yinda maydonga tushib, 29ta gol urdi va 8ta golli uzatmani amalga oshirdi.
