"Verona" yarim himoyachisi Antonin Barak faoliyatini boshqa klubda davom ettirishi mumkin, deya xabar beradi jurnalist Nikolo Skira.
Manbaga ko‘ra, 27 yoshli chexiyalik futbolchiga "Napoli" da’vogarlik qilmoqda. Neapolliklar klubi futbolchi uchun 14 million yevro taklif qilishga tayyor. Avvalroq, Barakga "Tottenxem" qiziqish bildirayotgani haqida xabar berilgandi.
Barak o‘tgan mavsumda A Seriyada 29 ta o‘yinda maydonga tushib, 11 ta gol urdi va 4 ta golga assistentlik qildi. Transfermarkt portali futbolchini 20 million yevroga baholamoqda.