Madridning “Real” klubi hujumchi Borxa Mayoralni “Xetafe”ga sotadi, deb xabar beradi Marca.
Manba bergan xabarga ko‘ra, klublar 25 yoshli ispaniyalik futbolchining transferi bo‘yicha kelishib olishgan: "Xetafe" "Real"ga 10 million yevro to‘laydi. Mayoral "Xetafe" bilan 5 yillik shartnoma imzolaydi.
Forvard "Real Madrid" tarbiyalanuvchisi hisoblanadi. U "qaymoqranglilar"ning asosiy tarkibida 33ta o‘yinda maydonga tushib, 7ta gol urdi va 4ta golga assistentlik qildi. 2021/22 yilgi mavsumda u "Xetafe"da ijara asosida o‘ynagan.