"Barselona" prezidenti Joan Laporta yarim himoyachi Frenki de Yongning kelajagi haqida gapirdi. Unga ko‘ra, Kataloniya klubi 25 yoshli niderland bo‘yicha bir qancha takliflar olgan.
"Frenki bizning o‘yinchimiz, biz uni juda yaxshi ko‘ramiz", - deya Laporta so‘zlarini keltiggan jurnalist Fabrisio Romano o‘zining Telegram kanalida. - "Barselona" de Yong bo‘yicha bir qancha takliflar oldi, ammo hozircha ularni qabul qilmagan. Biz Frenki bilan gaplashmoqchimiz va u nimani xohlayotganini aniq bilmoqchimiz. Biz uning holatining ayrim jihatlariga oydinlik kiritishimiz kerak”.
De Yong o‘tgan mavsumda kataloniyaliklar safida barcha turnirlarda 45 o‘yinda 4 ta gol urdi va 5 ta golli uzatmani amalga oshirdi. Yarim himoyachining klub bilan shartnomasi 2026 yilning 30 iyuniga qadar mo‘ljallangan.