"Milan"ning sobiq himoyachisi Alessandro Nesta "Yuventus" klubining transfer bozoridagi faoliyati haqida fikr bildirdi. Eslatib o‘tamiz, qishdan buyon “keksa sinyora” Dushan Vlaxovich, Denis Zakariya, Anxel di Mariya va Pol Pogbalarni o‘z safiga qo‘shib oldi.
"Yuventus" barcha xarajatlari bilan qandaydir sovrinni, hech bo‘lmaganda Skudettoni olishga majbur. O‘tgan mavsumda ular yomon o‘ynashdi, endi ular shunchaki g‘alaba qozonishlari kerak", - dedi sobiq jahon chempioni La Gazzetta dello Sport bilan suhbatda.
Eslatib o‘tamiz, o‘tgan mavsumda Turinning "Yuventus" klubi so‘nggi 11 yil ichida birinchi marta birorta ham sovrin yutmagandi. Shuningdek, «keksa sinyora» Italiya chempionatini to‘rtinchi o‘rinda yakunladi.
