"Милан"нинг собиқ ҳимоячиси Алессандро Неста "Ювентус" клубининг трансфер бозоридаги фаолияти ҳақида фикр билдирди. Эслатиб ўтамиз, қишдан буён “кекса синьора” Душан Влахович, Денис Закария, Анхел ди Мария ва Поль Погбаларни ўз сафига қўшиб олди.
"Ювентус" барча харажатлари билан қандайдир совринни, ҳеч бўлмаганда Скудеттони олишга мажбур. Ўтган мавсумда улар ёмон ўйнашди, энди улар шунчаки ғалаба қозонишлари керак", - деди собиқ жаҳон чемпиони La Gazzetta dello Sport билан суҳбатда.
Эслатиб ўтамиз, ўтган мавсумда Туриннинг "Ювентус" клуби сўнгги 11 йил ичида биринчи марта бирорта ҳам соврин ютмаганди. Шунингдек, «кекса синьора» Италия чемпионатини тўртинчи ўринда якунлади.
