"Barselona" yarim himoyachi Miralem Pyanichning kelajagi borasida bir qarorga kelgan.
"Barselona" rahbariyati mavsumoldi AQSH bo‘ylab o‘tkazilgan turne yakunlari bo‘yicha bosniyalik futbolchi bilan uchrashuv belgilagan.
Muhokama doirasida Kataloniya klubi vakillari 32 yoshli futbolchiga kerakli miqdordagi o‘yin vaqtini olmasligini va agar iloji bo‘lsa, transfer oynasi yopilguniga qadar uni tark etishi kerakligini malum qiladi, deya xabar beradi jurnalist Toni Xuanmarti.
Miralem Pyanichning "Barselona" bilan shartnomasi yana ikki yilga mo‘ljallangan. O‘tgan mavsumda yarim himoyachi Turkiyaning "Beshiktosh" klubini ijara asosida himoya qildi va 26 o‘yin o‘tkazib, 4 ta golli uzatmani amalga oshirdi.