Turinning "Yuventus" klubiga tegishli yarim himoyachi Ueston Makkenni "Tottenxem"ning transfer maqsadi hisoblanadi.
Daily Mail tabloidining yozishicha, italyan giganti futbolchini Tumanli Albionga qo‘yib yuborishga tayyor edi, ammo hozir vaziyat keskin o‘zgargan.
Bularning barchasi kamida ikki oy safdan chiqqan jamoaning yangi o‘yinchisi Pol Pogbaning jarohati tufayli.
"Keksa senyora" bosh murabbiyi Massimiliano Allegri fransiyalik futbolchi to‘liq tiklanmaguncha amerikalikni jamoada olib qolish niyatida.