"Fiorentina"da to‘p tepayotgan serbiyalik himoyachi Aleks Terzich yozda klubini o‘zgartirishga yaqin turibdi. Bu haqda Calciomercato sahifalarida xabar berilgan.
Italiyalik jurnalistlarning yozishicha, Florensiya klubi rahbariyati futbolchini joriy transfer oynasida sotishga qaror qilgan.
Terzich xizmatlariga Germaniya Bundesligasida qiziqish bildirilmoqda. Uning transfer qiymati 1,5 million yevroga baholanmoqda.
22 yoshli lateral 2019 yilning yozida "binafsharanglilar" safiga kelib qo‘shildi va 5 yillik shartnoma imzoladi.
Italiya chempionatining so‘nggi mavsumida Terzich 14 ta o‘yin o‘tkazib, 1 golli uzatmani amalga oshirdi va sariq kartochka oldi.
