"Фиорентина"да тўп тепаётган сербиялик ҳимоячи Алекс Терзич ёзда клубини ўзгартиришга яқин турибди. Бу ҳақда Calciomercato саҳифаларида хабар берилган.
Италиялик журналистларнинг ёзишича, Флоренция клуби раҳбарияти футболчини жорий трансфер ойнасида сотишга қарор қилган.
Терзич хизматларига Германия Бундеслигасида қизиқиш билдирилмоқда. Унинг трансфер қиймати 1,5 миллион еврога баҳоланмоқда.
22 ёшли латерал 2019 йилнинг ёзида "бинафшаранглилар" сафига келиб қўшилди ва 5 йиллик шартнома имзолади.
Италия чемпионатининг сўнгги мавсумида Терзич 14 та ўйин ўтказиб, 1 голли узатмани амалга оширди ва сариқ карточка олди.