Ingliz OAVlari bundan roppa-rosa 15 yil avval Jon Terrining "Chelsi" bilan yangi shartnoma imzolaganini va o‘sha paytda Angliya Premyer-ligasining eng ko‘p maosh oluvchi futbolchisiga aylanganini esladi.
O‘sha shartnomaga ko‘ra, Terri haftasiga 135 ming funt ishlab topardi. Ushbu shartnomani imzolash orqali Jonning maoshi haftasiga 121 ming funt maosh bilan jamoadoshlari Mikayel Ballak va Andriy Shevchenkoni ortda qoldirgandi.
Jon Terri 1995 yilda "Chelsi" akademiyasini tugatgan. Asta-sekin u asosiy jamoaga yo‘l oldi va jamoaning haqiqiy sardoriga aylandi. Terri 2017 yilda "Chelsi"ni tark etib, London klubining haqiqiy afsonasiga aylandi.