"Yuventus" yarim himoyachisi Pol Pogba tizzasidan operasiya qilinishni istamayapti, deb xabar beradi La Gazzetta dello Sport.
Avvalroq, "Yuventus" yig‘inida fransiyalik futbolchi jarohat olgandi. U mashg‘ulotlarda o‘ng tizzasini jarohatlagan.
Tekshiruvdan so‘ng futbolchi meniskus jarohati tufayli jarrohlik amaliyotiga muhtoj bo‘lishi mumkinligi malum bo‘ldi.
Manbaga ko‘ra, Pogba operasiyadan bosh tortgan. Futbolchining atrofidagilar unga operasiya kerakmi yoki yo‘qligini tushunishga yordam berishga harakat qilmoqda. Tez orada futbolchi bir qator tekshiruvlardan o‘tadi.
Ushbu yozda 29 yoshli yarim himoyachi «Manchester Yunayted»ni tark etib, «Yuventus»ga qaytdi.
