"Liverpul" va "Yuventus" braziliyalik hujumchi Roberto Firminoni Italiya jamoasiga o‘tkazish bo‘yicha muzokaralar olib bormoqda.
Calciomercato xabariga ko‘ra, tomonlar summa bo‘yicha kelisha olmayapti.
“Liverpul” braziliyalik futbolchi uchun kamida 30 million yevro ishlab olishni kutmoqda. O‘z navbatida “Yuventus” ingliz klubiga 18 million yevro va bonuslar taklif qildi, bu esa hujumchining keyingi o‘yiniga bog‘liq bo‘ladi. Ammo "Liverpul" bunday sxemaga rozi emas.
"Liverpul" bosh murabbiyi Yurgen Klopp futbolchini qo‘yib yuborishga tayyor. Ammo klub rahbariyati Firminoning shartnomasi tugashiga atigi bir yil qolganiga qaramay, xaridordan munosib taklif bilan chiqishni talab qilmoqda.
