"Atletiko Madrid" rahbarlari hujumchi Alvaro Moratadan klubda kamida bir mavsum qolishini so‘rashdi.
Ilgari ispan klubini Luis Suares tark etgandi va Krishtianu Ronalduning "Manchester Yunayted"dan transferi ancha noaniq ko‘rinmoqda.
Shu munosabat bilan "Atletiko" hujumchidan yangi mavsumda jamoada qolishini so‘ragan.
Oldinroq, so‘nggi ikki yil ijara asosida o‘ynagan hujumchiga "Yuventus" qiziqish bildirayotgani haqida xabarlar tarqalgan edi.
O‘tgan mavsumda futbolchi Italiya chempionatida 35 ta o‘yinda maydonga tushib, 9 ta gol urdi va 7 ta golli uzatmani amalga oshirdi.
