Ispaniya La Ligasi rahbari Xaver Tebas “Barselona” rahbariyatining niderladiyalik yarim himoyachi Frenki de Yongning maoshini qisqartirish istagi haqida gapirdi.
“Futbolchini butun jamoadan ajratib, unga bosim o‘tkazib bo‘lmaydi. Bu axloq qoidalariga to‘g‘ri kelmaydi. Kataloniya klubi buni yaxshi biladi”, - dedi La Liga rahbari Infobae bilan suhbatda.
Avvalroq "ko‘k-anorranglilar" de Yongning maoshini ikki baravar kamaytirishni talab qilayotgani xabar qilingandi. Agar futbolchi shartlarni qabul qilmasa, Kataloniya klubini tark etishga majbur bo‘ladi.
Frenkining "Barselona" bilan amaldagi shartnomasi 2026 yilgacha mo‘ljallangan. Niderlandiyalik futbolchiga "Chelsi" va "Manchester Yunayted" klublari qiziqish bildirmoqda.