Испания Ла Лигаси раҳбари Хавер Тебас “Барселона” раҳбариятининг нидерладиялик ярим ҳимоячи Френки де Йонгнинг маошини қисқартириш истаги ҳақида гапирди.
“Футболчини бутун жамоадан ажратиб, унга босим ўтказиб бўлмайди. Бу ахлоқ қоидаларига тўғри келмайди. Каталония клуби буни яхши билади”, - деди Ла Лига раҳбари Infobae билан суҳбатда.
Аввалроқ "кўк-анорранглилар" де Йонгнинг маошини икки баравар камайтиришни талаб қилаётгани хабар қилинганди. Агар футболчи шартларни қабул қилмаса, Каталония клубини тарк этишга мажбур бўлади.
Френкининг "Барселона" билан амалдаги шартномаси 2026 йилгача мўлжалланган. Нидерландиялик футболчига "Челси" ва "Манчестер Юнайтед" клублари қизиқиш билдирмоқда.