Afsonaviy bokschi Floyd Meyvezer va UFC sobiq chempioni Konor Makgregor boks qoidalari bo‘yicha revansh jangi o‘tkazishga yaqin, deya xabar beradi The Sun.

«Agarda Floyd o‘z professional rekordini o‘rtaga qo‘ysa, Konor jangga rozi bo‘ladi. Bu ko‘rgazmali emas, rasmiy jang bo‘ladi. U 70,3 kg vaznda bo‘lib o‘tadi. Hozircha shular ma’lum.

Floyd so‘nggi marta ringga chiqadi, shu sabab buni o‘tkazib yubormaslik lozim. Bitim yakunlanish arafasida. Ikkala tomon ham shaxsiy shartlarini kelishib oldi. Bu yakuniy shou bo‘ladi va undan Floydning rekordi o‘rtaga qo‘yiladi.

Meyvezer bunda o‘z davrining oxiri va Jervonta Devis davrining boshlanishini ko‘rmoqda. Uning fikricha, bu biz ko‘rgan boks oqshomlari ichida eng kattasi bo‘ladi.

Ayni damda raundlar soni bo‘yicha bahslar davom etmoqda — Konor jamoasi 10 ta raund xohlaydi. Biroq bitim yakunlanishiga oz qoldi», — deyiladi manbada.

2017 yilda Meyvezer Makgregorni 10-raundda texnik nokaut evaziga mag‘lub etgandi.