"Real Betis" yarim himoyachisi Nabil Fekir "Nyukasl Yunayted"ning transfer maqsadiga aylangan.

Ingliz klubi bosh murabbiyi Eddi Xau yozda jamoaning hujum chizig‘ini kuchaytirmoqchi, ayniqsa Allan Sen-Maksiminning ketishi mumkinligi haqidagi mish-mishlar fonida bu ancha jiddiy ko‘rinadi. Fekir "Nyukasl"ga o‘tish uchun nomzodlardan biri.

Ta’kidlanishicha, "Betis" futbolchini kamida 45 million yevroga sotishga tayyor. Uning shartnomasi 2026 yilda yakuniga yetadi.

Avvalroq, "Nyukasl" "Chelsi"dan Timo Verner transferi bilan shug‘ullanishi mumkinligi haqida ham ma’lumotlar paydo bo‘lgandi.

Fekir o‘tgan mavsumda La Ligada 34 ta o‘yinda maydonga tushib, 6 ta gol urdi va 8 ta golga assistentlik qildi.