"Zenit" sobiq hujumchisi Artyom Dzyuba faoliyatini "Fenerbexche"da davom ettirishi mumkin.

Metaratings.ru xabariga ko‘ra, "Fenerbaxche" yangi hujumchi sotib olish uchun ko‘p pul sarflashga tayyor emas, shuning uchun erkin agentlar bilan variantlarni ko‘rib chiqmoqda, ulardan biri Dzyuba. Biroq rossiyalik hujumchining maoshini muhokama qilishda muzokaralar davomida qiyinchiliklar paydo bo‘lishi mumkin: turk klubi futbolchiga mavsum uchun ikki million yevrodan ko‘proq maosh berishga tayyor emas.

Ayni damda 33 yoshli Dzyuba "Rubin" bilan mashg‘ulot o‘tkazmoqda.

Rossiyalik futbolchi erkin agent sanaladi - hujumchi 2021/22 yilgi mavsum oxirida klub bilan shartnomasi tugashi sababli "Zenit"ni tark etdi.