"Brentford" hujumchisi Markus Forss "Midlsbro"ga o‘tdi. Finlyandiyalik hujumchining klub bilan shartnomasi 4 mavsumga mo‘ljallangan.
“Biz Markusni kutib olganimizdan xursandmiz. U bir necha mavsum oldin "Brentford"ning ko‘tarilishida katta rol o‘ynagan va ligani yaxshi biladi. U yaxshi sportchi va ko‘p qirrali futbolchi. Biz uning jamoaga nima olib kelishini intiqlik bilan kutmoqdamiz", - deya "Midlsbro" bosh murabbiyi Kris Uaylder so‘zlarini keltirgan.
O‘tgan mavsumda 23 yoshli finlyandiyalik hujumchi yanvarda ijara asosida "Xall Siti"ga o‘tgandi. Forss klub safida 11 ta o‘yinda maydonga tushib, 1 ta gol urdi va 1 ta golli uzatmani amalga oshirdi.
