"Uotford" "Manchester Yunayted" bilan himoyachi Itan Lerd borasida muzokaralar olib bormoqda. The Athletic xabariga ko‘ra, "Uotford" 20 yoshli ingliz futbolchisini ijaraga olmoqchi.
Lerdning amaldagi shartnomasi 2023 yilgacha mo‘ljallangan. Transfermarkt futbolchining narxini 5 million yevroga baholamoqda.
Lerd o‘tgan mavsumda "Bornmut" va "Suonsi Siti"da ijara asosida o‘ynagan edi. U barcha musobaqalarda 27 ta o‘yin o‘tkazib, 4 ta golli uzatmani amalga oshirgan. U ham bitta sariq kartochka oldi.
