“Roma" sharafini himoya qilayotgan hamyurtimiz Eldor Shomurodov jamoa bilan "Tottenxem"ga qarshi o‘rtoqlik uchrashuvida ishtirok etish uchun Isroilga uchmadi.

Corriere Granata xabariga ko‘ra, "Roma"ga "Torino"dan futbolchi taklif tushgan. Katta ehtimol bilan Turin klubi Shomurodovni mavsum oxirida sotib olish imkoni bilan ijaraga oladi.

27 yoshli Shomurodov 2021 yilning yozida “Jenoa”dan 18 million yevro va bonuslar evaziga sotib olingan edi. Sobiq "Rostov" futbolchisi o‘tgan mavsumda "Roma" safida 40 o‘yinda 5 ta gol urdi va 6 ta golli uzatmani amalga oshirdi.