Kataloniyaning “Barselona” klubi prezidenti Joan Laporta jamoani tark etishni va maoshini kamaytirishni istamaydigan yarim himoyachi Frenki de Yong haqida fikr bildirdi.
"Frenki de Yong klubda qolishni istaydi, ammo bu qiyin, chunki yangi mavsumdan boshlab bizda yangi maosh tizimi paydo bo‘ladi. Shunga qaramay, biz uni saqlab qolish uchun hamma narsani qilishga harakat qilamiz", - dedi Laporta.
Eslatib o‘tamiz, Frenki de Yong avvalroq "Manchester Yunayted"ga o‘tishdan bosh tortgan edi. Agar yarim himoyachi "Kamp Nou"ni tark etsa, faqat Chempionlar ligasida o‘ynaydigan jamoa safiga o‘tmoqchi.