"Roma" hujumchisi Temmi Abraxam yangi kelgan Paulo Dibala jamoani A Seriyada chempionlik uchun haqiqiy davogarga aylantirishi haqida fikr bildirdi.

Eslatib o‘tamiz, argentinalik futbolchi rimliklar safiga Turinning "Yuventus" klubidan erkin agent sifatida kelib qo‘shilgan edi.

“Skudettoni yutishni istamadim desam, yolg‘on gapirgan bo‘laman. Dibala ajoyib o‘yinchi, u bizni A Seriya chempionligi uchun da’vogarga aylantiradi. Klub ajoyib ish qilyapti. Umid qilamanki, bularning barchasi natijalarga ta’sir qiladi, - dedi Abraxam La Gazzetta dello Sport nashriga bergan intervyusida.

Abraxam o‘tgan mavsumda "Roma"ning barcha musobaqalarda eng yaxshi to‘purari bo‘lgandi. O‘tgan yozda ingliz futbolchisi Londonning “Chelsi” klubidan 40 million yevro evaziga jamoaga kelib qo‘shilgandi.