“Andijon” Tojikiston chempioni – “Istiqlol”ni 3:0 hisobida tor-mor keltirganidan so‘ng jamoamiz bosh murabbiyi Viktor Kumikov ushbu o‘yin hamda yig‘indan qanchalik qoniqqani haqida fikr bildirdi.

“Bugungi o‘yin bilan yig‘inlarimizni yakunladik. Xudoga shukr, jarohatlarsiz o‘tkazdik. Oxirgi o‘yinlarda holatimiz yaxshilanyapti. Chempionatgacha yana bir hafta vaqt bor va ungacha yigitlar yanada zo‘r holatga keladi. Tojikiston chempioni bilan o‘ynadik. Yaxshi jamoa. Osiyo Chempionlar ligasida bir necha bor qatnashgan klubga qarshi yaxshi natija qayd etdik. Albatta, bu meni xursand qildi. Shu holatda o‘ynashda davom etamiz, deb umid qilaman.

Biz yig‘inning dastlabki qismini tog‘ yon bag‘rida jismoniy tayyorgarlikka e’tibor qaratgan holda o‘tkazdik. 11 kun davomida tog‘dan keyingi yig‘inda jismoniy holatimizni ko‘tarishimiz kerak edi. Mana, bugun bu yerdagi ikkinchi haftamizni o‘tkazgan bo‘lsak, kundan-kunga futbolchilarni holati zo‘r bo‘lib borishi kerak.

O‘tkazilgan nazorat o‘yinlarimizdagi farqiga kelsak, biz dastlab optimal formaga kirmagan edik. Birinchi o‘yinlarimizda qayerdadir ustun bo‘ldik, qayerdadir oqsadik. Keyin “Qizilqum” bilan o‘yinda yaxshi o‘ynadik. Hozirgi kundagi holatimiz yanada yaxshilandi. Bosqichma-bosqich o‘sish dinamikasi bor. Shu holat meni xursand qilyapti, - deydi Viktor Balyutovich.