Himoyachi Oskar Mingesa “Barselona”ni tark etib, “Selta”ga o‘tdi, deb xabar bermoqda jamoa matbuot xizmati. Futbolchi tibbiy ko‘rikdan o‘tishi kerak, shundan so‘ng u Vigo jamoasi bilan mehnat shartnomasini imzolaydi.
Eslatib o‘tamiz, Oskar “Barselona” futbol akademiyasi bitiruvchisi hisoblanadi. U Kataloniya grandining asosiy jamoasida 66 o‘yin o‘tkazib, ikkita gol va beshta golli uzatmani amalga oshirgan. Himoyachi jamoa bilan birgalikda 2020/2021 yilgi mavsumda Ispaniya kubogini qo‘lga kiritgan.
Mingesaning "Selta" bilan shartnomasi 4 yilga mo‘ljallangan.
