"Barselona" prezidenti Joan Laporta "Manchester Siti" yarim himoyachisi Bernardu Silva bilan shartnoma imzolashdan voz kechmadi.
Eslatib o‘tamiz, portugaliyalik futbolchining o‘zi ham Xavi Ernandes jamoasiga o‘tishga qarshi emasdi.
“Hozir biz yangi kelgan futbolchilarni ro‘yxatdan o‘tkazish bilan bandmiz. Murabbiyning rejalariga kiritilmagan futbolchilarga ham yangi jamoalar topishga harakat qilamiz. Birozdan keyin biz vaziyatni baholaymiz va nima qilish mumkinligini ko‘ramiz", - dedi Laporta.
"Manchester Siti" Bernardu Silvani saqlab qolishga qaror qildi va o‘z yarim himoyachisini 100 million yevrodan kamiga qo‘yib yubormaydi.