"Chelsi" hujumchisi Timo Verner "Leypsig"ga qaytishi mumkin. Nemis klubi 26 yoshli hujumchi bilan shartnoma imzolashga tayyor, deya xabar beradi jurnalist Janluka Di Marsio.
Futbolchiga "Yuventus" ham da’vo qilmoqda, ammo Turin klubi faqat Vernerni ijaraga olishga tayyor.
Avvalroq, hujumchi nemis klubiga o‘tish uchun maoshini 50 foizga kamaytirishga rozi bo‘lgani xabar qilingandi.
Vernerning amaldagi shartnomasi 2025 yilgacha mo‘ljallangan. Transfermarkt portali futbolchining narxini 35 million yevroga baholamoqda.
Verner o‘tgan mavsumda barcha turnirlarda 37 ta o‘yinda maydonga tushib, 11 ta gol urdi va 6 ta golli uzatmani amalga oshirdi.
