"Челси" ҳужумчиси Тимо Вернер "Лейпциг"га қайтиши мумкин. Немис клуби 26 ёшли ҳужумчи билан шартнома имзолашга тайёр, дея хабар беради журналист Жанлука Ди Марцио.
Футболчига "Ювентус" ҳам даъво қилмоқда, аммо Турин клуби фақат Вернерни ижарага олишга тайёр.
Аввалроқ, ҳужумчи немис клубига ўтиш учун маошини 50 фоизга камайтиришга рози бўлгани хабар қилинганди.
Вернернинг амалдаги шартномаси 2025 йилгача мўлжалланган. Transfermarkt портали футболчининг нархини 35 миллион еврога баҳоламоқда.
Вернер ўтган мавсумда барча турнирларда 37 та ўйинда майдонга тушиб, 11 та гол урди ва 6 та голли узатмани амалга оширди.
