"Napoli" "Chelsi" bilan darvozabon Kepa Arrisabalaning ijara shartnomasi bo‘yicha kelishuvga erishdi, deb xabar bermoqda Sky Sport Italia.
Manbaga ko‘ra, London klubi 27 yoshli ispaniyalik darvozabonni maoshining 75 foizini to‘lab boradi.
Qayd etilishicha, klublar darvozabon uchun beriladigan bonuslar miqdori borasida haligacha kelisha olmayapti. “Aristokratlar” 3 million yevro olmoqchi, neapolliklar esa 1,5 million yevrodan ko‘p to‘lashga tayyor emas.
Shu bilan birga, neapolliklar muzokaralar muvaffaqiyatli o‘tishiga ishonch bildirmoqda.
Kepa o‘tgan mavsumda londonliklar safida barcha turnirlarda 15 ta o‘yinda maydonga tushib, 10 ta gol o‘tkazib yuborgan. Uning klub bilan shartnomasi 2025 yilning 30 iyuniga qadar amal qiladi.