"Наполи" "Челси" билан дарвозабон Кепа Аррисабаланинг ижара шартномаси бўйича келишувга эришди, деб хабар бермоқда Sky Sport Italia.
Манбага кўра, Лондон клуби 27 ёшли испаниялик дарвозабонни маошининг 75 фоизини тўлаб боради.
Қайд этилишича, клублар дарвозабон учун бериладиган бонуслар миқдори борасида ҳалигача келиша олмаяпти. “Аристократлар” 3 миллион евро олмоқчи, неаполликлар эса 1,5 миллион евродан кўп тўлашга тайёр эмас.
Шу билан бирга, неаполликлар музокаралар муваффақиятли ўтишига ишонч билдирмоқда.
Кепа ўтган мавсумда лондонликлар сафида барча турнирларда 15 та ўйинда майдонга тушиб, 10 та гол ўтказиб юборган. Унинг клуб билан шартномаси 2025 йилнинг 30 июнига қадар амал қилади.
