“Lill” yarim himoyachisi Renatu Sanshesh faoliyatini “PSJ”da davom ettiradi. L'Equipe xabariga ko‘ra, parijliklar klubi 24 yoshli portugaliyalik bilan shaxsiy shartnoma shartlari bo‘yicha kelishib olgan.

Amaldagi chempionlar Portugaliya terma jamoasi futbolchisining transferi uchun 15 million yevro to‘laydi.

Sanshesh "Lill"da 2019 yilning avgustidan beri to‘p tepadi. Transfermarkt portali futbolchining narxini 28 million yevroga baholamoqda.

O‘tgan mavsumda Renatu barcha musobaqalarda 31 ta o‘yinda 1 ta gol urdi va 5 ta golli uzatmani amalga oshirdi.