"Chelsi" himoyachisi Malang Sarr Fransiya chempionatiga qaytishi mumkin. "Monako" 23 yoshli fransiyalik futbolchini kelasi yozgacha ijaraga olmoqchi, deb xabar beradi L'Equipe.
Manbaning xabariga ko‘ra, monegaskliklar ijara muddati tugagandan so‘ng futbolchini 12 million yevroga sotib olish huquqiga ega bo‘lmoqchi.
O‘tgan mavsumda fransiyalik futbolchi “Chelsi” safida barcha musobaqalarda 22 ta o‘yinda maydonga tushdi va samarali harakatlari bilan ajralib turmadi. Himoyachining klub bilan shartnomasi 2025 yilning yoziga qadar mo‘ljallangan.
