“Lasio” klubning yangi futbolchilarini tanishtirdi. Rimliklar safiga "Milan"ning sobiq himoyachisi Alessio Romanyoli va "Inter"ning sobiq yarim himoyachisi Matias Vesino qo‘shildi.
Romanyoli rimliklar bilan 2027 yilgacha mo‘ljallangan shartnoma imzoladi. U 13-raqamda harakat qiladi. Himoyachining “rossonerilar” bilan shartnomasi shu yozda yakuniga yetdi va erkin agentga aylandi. Alessio o‘tgan mavsumda "Milan" safida 26 ta o‘yinda maydonga tushib, bitta gol va bitta golli uzatmani amalga oshirdi.
30 yoshli Vesino 2025 yilgacha shartnoma imzoladi va 5-raqamli formani tanladi. Yarim himoyachi 2021/22 yilgi mavsum yakunida erkin agentga aylandi, uning “Inter” bilan shartnomasi yakuniga yetdi. O‘tgan mavsumda futbolchi "neradzurrilar" safida 22 o‘yinda maydonga tushib, 1 ta gol urgan.