“Лацио” клубнинг янги футболчиларини таништирди. Римликлар сафига "Милан"нинг собиқ ҳимоячиси Алессио Романьоли ва "Интер"нинг собиқ ярим ҳимоячиси Матиас Весино қўшилди.
Романьоли римликлар билан 2027 йилгача мўлжалланган шартнома имзолади. У 13-рақамда ҳаракат қилади. Ҳимоячининг “россонерилар” билан шартномаси шу ёзда якунига етди ва эркин агентга айланди. Алессио ўтган мавсумда "Милан" сафида 26 та ўйинда майдонга тушиб, битта гол ва битта голли узатмани амалга оширди.
30 ёшли Весино 2025 йилгача шартнома имзолади ва 5-рақамли формани танлади. Ярим ҳимоячи 2021/22 йилги мавсум якунида эркин агентга айланди, унинг “Интер” билан шартномаси якунига етди. Ўтган мавсумда футболчи "нерадзуррилар" сафида 22 ўйинда майдонга тушиб, 1 та гол урган.