Madridning “Real” klubi Karim Benzema o‘rniga ikki nafar hujumchi variantini ko‘rib chiqmoqda, deya xabar beradi Radioestadio Noche.
“Qirollik klubi”ning short-listida avstriyalik “RB Zalsburg” hujumchisi Benyamin Sheshko va Fransiyaning “Nissa” klubi hujumchisi Amin Giri bor. Bu futbolchilardan biri joriy transfer oynasida "Santyago Bernabeu"ga o‘tishi mumkin.
Benzema madridliklar safida 2009 yilning yozidan beri o‘ynab kelmoqda. 34 yoshli fransiyalik futbolchining shartnomasi 2022/2023 yilgi mavsum yakuniga qadar tuzilgan.
Karim o‘tgan mavsumda La Ligada 32 o‘yinda 27 gol urdi va 12 golga assistentlik qildi.